網紅的藏寶箱炭酸face pack（フェイスパック）新嘗試！！
好多年前去旅行嘅時候已經聽到有碳酸面膜，但係就唔敢是怕會炸到自己塊面唔舒服。最近診所有一啲醫療級搽上面嘅炭酸面膜好好賣之後，心思思想試吓俾碳酸打開毛孔嘅感覺。診所嘅嘢就梗係貴，買唔起啦！ ！ ！所以今次咪買市面上嘅平價品牌～
打開之後得一張暗藏乾梳打粉嘅棉面膜，自己再加水到錫紙袋內浸濕就可以放上面敷5分鐘。一入水嗰時候聽到爆炸糖嘅bi-li-bla-la聲音就已經覺得好刺激，面膜放上面嘅一刻冇感受到啲乜嘢，但係按壓下去就會有少少刺痛針拮反應。包裝寫到明最好係浸浴嘅時候同時用，敷4-5分鐘就夠！
丫仁一除mask就發現自己塊面紅晒，應該就係被碳酸炸到血液循環、淨化毛孔嘅效果。下次有機會會試下診所碳酸產品，到時先再同大家分享。
仲有啊！丫仁開咗個新嘅IG
《大丈夫·美容男子部》： skincare.danshi
嘗試用自己做人體實驗，去試吓坊間嘅一啲護膚品醫療美容，當然亦都會分享喺而家診所做嘢嘅醫學美容效果！希望可以得到佢哋嘅sponsor
Search